陳煒結婚老公冧爆講愛的宣言 多謝恩師由垃圾桶執返亞姐履歷資料

撰文:張嘉敏
出版:更新:

陳煒 (煒哥) 與陳國強醫生昨日 (26日) 簽紙結婚正式成為合法夫妻,昨晚一對新人在半島酒店設宴,宴會約在晚上8時開始,煒哥穿上長袖透視蕾絲大澎裙的婚紗,披上頭紗,在恩師鄭偉強的陪同下進入會場,之後鄭生就將煒哥交到陳醫生手中,並説:「你一定要好好對佢,如果唔係我唔會放過你。You are a lucky guy!」其後煒哥與陳醫生在眾親友見證下交換結婚介指,並且在眾人起哄下三度親吻,恩愛之情洋溢。

一對新人甜蜜咀咀。

煒哥向在場的好友一一道謝,她說:「今晚到嚟嘅全部都係好錫我同陳醫生嘅朋友,首先要好感激鄭偉強先生陪我進場,響呢度無人俾佢夠有資格。因為佢係主宰我呢26年嘅演藝人生嘅好重要嘅一個人,當年如果唔係佢喺垃圾桶執返我份報名亞洲小姐履歷資料,就肯定冇今日嘅陳煒。 」

她又特別感激曾勵珍小姐,因為珍姐甚少出席藝人的婚禮,但昨晚仍百忙中抽空到場,所以煒哥同陳醫生都十分感激珍姐的痛錫。當煒哥提到鮑起靜 (鮑姐) 時,鮑姐更是激動得熱淚盈眶,場面相當感人。煒哥答謝完各位好友後,輪到新郎哥發言。但新郞哥不是跟新娘子一樣,答謝所有親朋,而是說出「愛的宣言」公開答謝老婆。

陳醫生說:「要多謝嘅人,佢都講晒。我想講,我以前叫佢Honey,但今日之後會改口,叫佢陳太或者老婆。過往佢陪伴咗我4年,呢段時間係我人生中,最開心嘅日子,多謝你,I love you!」説到這裡,全場都已拍晒手掌。然後續說:「同埋我想係呢度回應佢之前講50年不變嘅報道,我係度講我係會50年+1日不變,嚟緊呢段時間都會錫你、寵你、愛你!」在場所有人士都很滿意這段愛的宣言,而煒哥亦回應陳醫生絕對是一個很細心的好老公。從這段對話中,看出煒哥與陳醫生恩愛非常,相當幸福。

最後,來到拋花球環節,在場原來只有兩位單身女士,在朱晨麗及江美儀的熱烈競爭下,結果由朱晨麗成功奪得。

+8