朱智賢靚樣再進化五官輪廓精緻似公仔 網民驚呼:親媽都認唔出

撰文:張嘉敏
出版:更新:

無綫年度選美盛事《2022年香港小姐競選》日前已圓滿舉行,曾於2012年以及2013年參選港姐的朱智賢(Ashley)當晚也有打扮靚靚出席。她受訪問表示自己能夠踏足紅館感到榮幸,指自己當年參選時又蠢又純又怕醜還好緊張,甚至腳震到驚仆低。Ashley亦有於IG分享她當晚的美照,身穿白色透視晚裝長裙的她仙氣爆發,超高衩設計騷出她的白滑美腿,性感迷人。

朱智賢年前的樣子。(朱智賢ig)

然而相中的Ashley雖然好靚女,但卻變晒樣,無論五官和輪廓看來都和以前不一樣,現年36歲的她樣子變得愈來愈精緻,彷彿變了另一個人似,而且有膠臉的感覺,好像公仔似的。不少網民都留言討論她的樣貌,驚呼:「唔同晒樣」、「無可能認到」、「親生父母都認唔出」。

點擊睇朱智賢最新的樣子進化:

+10

Ashley在2003年就讀中五時更曾去參選Cookies新成員招募比賽。那時候的Ashley樣子以及身材亦和現在有很大分別,17歲時的她臉比較闊、鼻比較扁且是單眼皮,身材亦屬平胸一族。但現在的她擁有V形臉,鼻樑變得又高又挺,且明顯是雙眼皮,身材也屬於有睇頭之列,無論樣貌身材都有如再進化似的。

Ashley已不只一次被傳整容,年前曾有爆料者提供了一張她的陳年舊照指她整過眼和鼻,相中的Ashley樣貌明顯與現在不同。Ashley當時就回覆《香港01》表示:「嗰張相係10幾20年前影嘅,嗰時我得十幾歲,唔係好識化妝,同埋我相信好多人10幾20年前後個樣都會有分別。加上我25歲時有箍過牙,箍咗3年幾,當時總共剝咗8隻牙,箍牙前後個樣都會唔同。未箍牙。前我唔會露齒笑,能夠E起棚牙笑係我細個嘅夢想。」而她當空姐時也有在箍牙。

Ashley坦言自己不會考慮整容,即使打針微調也不會,她說:「咁樣會好唔自然,我祟尚自然美。」對於被指現在個樣比前靚了好多,她笑言:「其實係大家無見過我無化妝個樣啫,化咗妝真係可以靚好多。我都好驚畀人見到自己素顏,因為見過嘅人啲反應都好驚訝,佢哋表現到簡直唔敢相信咁。就連我阿爸見到都話『嘩,阿妹,你化妝前後完全係兩個人嚟』,佢都好驚訝。我阿媽仲叫我『你無化妝唔好出街嚇人』,所以我唔敢素顏示人,平日落街都會戴眼鏡、戴帽甚至戴口罩遮住。我喺TVB化妝間等化妝時,畀人見到我素顏個樣都會覺得唔好意思。」估不到原來Ashley對自己無化妝個樣咁無信心。

即睇朱智賢之前的靚相:

+25