超能使者｜劉穎鏇愛拍打戲 踢腳動作NG十幾次：摀低身掂唔到腳趾
撰文：林迅景
出版：更新：
台慶劇《超能使者》下星期一開播，對很多人來說，雖然劇情題材、畫面特效吸引，但仍然不及劉穎鏇（Tiffany）的造型夠話題性，預告片一出立即就會被她身穿比堅尼的畫面吸引住。今日（29/10）劉穎鏇（Tiffany）出席《超能使者》宣傳活動，她就分享了，為了凌空飛踢的畫面好睇，背後花了多少心血。
劉穎鏇（Tiffany）出席《超能使者》宣傳活動。（葉志明攝）
劉穎鏇（Tiffany）接受《香港01》訪問時說：「打戲最緊要有成功感，初初睇啲師傅做動作，以為自己冇可能，但係end-up自己做到之後，係好有滿足感。最困難一定係起腳，因為我本身啲筋骨唔係好柔軟，摀低身係掂唔到腳趾，所以知我踢腳踢唔高。」她續說，如果踢腳踢得不高，畫面就會不好睇，所以為了簡單一個踢腳動作，她需要經常拉筋。
劉穎鏇（Tiffany）在《超能使者》有性感場面。（《超能使者》截圖）
她說：「我成日發覺，逼嘅話係會有一下逼到自己做到一啲平時做唔到嘅嘢。」她表示，因為有一個踢腳動作做得不好，動作指導一直都不滿意，所以當時就連續NG了接近20次。最後，在動作指導和導演的逼迫下，終於踢出了滿意的一腳。
+8
+17