下流上車族｜林敏驄收視力壓曾志偉 輸家要裸跑：先撩者賤
撰文：吳子生
出版：更新：
林敏驄和江美儀今日（1/11）現身深水埗出席無綫熱播劇集《下流上車族》「愛心同行」派飯活動。林敏驄早前同獎門人曾志偉輸賭收視高，輸要裸跑。而最新收視結果出爐，《下流上車族》最高收視有23.7點，比獎門人曾志偉主持的綜藝節目多出0.3點力壓對手勝出。
林敏驄和江美儀首次合作拍劇便擦出火花收視報捷。（葉志明攝）
林敏驄笑言：「今次總經理佢要裸跑喇，呢啲叫做先撩者賤，大佬，係佢撩我哋先嘛，有片為證呀！唔係我講㗎。（如果佢唔找數咁點？）佢唔會唔找數嘅。話晒一國之君呀！」美儀姐接著說：「其實佢唔裸跑，佢點都會有啲嘢做吓嘅，唔係點同人交代。（驄哥佢今日好似不在狀態！）佢梗係攰啦！佢咁樣做宣傳法，」林敏驄笑說：「我係為咗美儀姐先宣傳咋。」美儀姐反駁：「套戲你冇份嘅，你知唔知你而家行出街好紅，人人都叫你車總。」林敏驄笑住回應：「咁又係。」