陳瀅火速上位做女一 遭龔嘉欣暗寸感無奈：加鹽加醋
撰文：吳子生
出版：更新：
陳瀅稱不認識龔嘉欣。（葉志明攝）
陳瀅和周嘉洛今日（8/11）齊齊現身電視城古裝街為《傳承·狂歡55:萬千星輝賀台慶》大型序幕歌舞錄影。對於早前有指龔嘉欣疑似眼紅她火速上位做女主，在出席活動時句句有骨落地指自己與陳瀅同年，但自己資歷比她深：「我是捱返來的，19歲簽給TVB，由一個小蕃薯捱吓捱吓到現在都好感恩。」
陳瀅和周嘉洛齊齊現身電視城古裝街為《傳承·狂歡55:萬千星輝賀台慶》大型序幕歌舞錄影。（葉志明攝）
對於傳被龔嘉欣眼紅一事，陳瀅就事件接受《香港01》訪問時說：「我哋之前冇合作過，我有聽過嘅，但我就冇睇過呢條片，咁所以我好難作準，邊啲係加鹽加醋，因為始終都會有好多唔同嘅報道版本，但我就相信應該唔係咁嘅。（你人紅是非多！）其實咁樣唔係咁好，如果正面就冇問題，同埋澄清呀，之前有報導話我走光，我睇相、睇片都冇呀，（會否開拍《美麗戰場2》？）我冇聽到有呢個消息，咁所以我答到你，話晒我都係一個演員，又話唔到事，都係由導演佢去答大家。」