Anson Lo騷後胃抽筋被扶走 張敬軒稱未及時慰問：但都關心佢
撰文：吳子生
出版：更新：
張敬軒透露日前開工突然出現胃抽筋。（陳順禎攝）
張敬軒（軒仔）今日（15/11）現身西灣屈地街電車廠出席品牌活動。軒仔透露電影《超神經械劫案》日前煞科，不過在拍攝當日，埋位拍打戲時，突然出現胃抽筋，需要即時暫停拍攝：「嗰晚我同王菀之拍緊打戲，唔知點解突然係痛到郁唔到，係痛到要叫機，搞到成個劇姐要等咗8個字，到最後要取消一場威也戲。事後聽佢哋講，嗰晚係『血月』，而又咁啱係晚上8點，所以可能有影響。」
張敬軒今日出席品牌活動。（陳順禎攝）
提到Anson Lo（盧瀚霆）日前騷後出現胃抽筋遭遇同病相連。軒仔表示：「其實喺我哋行內都有句話，佢哋MIRROR嘅期表，係叫做「死亡期表」嚟，好似十幾個鐘就直踩，咁我覺得係啱嘅，因為趁後生，把握好每一次機會。（有冇慰問佢？）咁又冇，因為我仲回復緊自己嘅元氣，咁但係我都關心佢嘅。」