超級毛特兒大賽｜黃嘉雯被狗咬屁股受傷留陰影：可能我樣衰
撰文：吳子生
出版：更新：
黃嘉雯（Carmaney）鍾柔美（Yumi)今日（28/1）以評審身份現身柴灣出席無綫J2《超級毛特兒大賽》面試。Carmaney透露大半年前，被朋友飼養的狗隻咬傷，現在仍心存陰影：「嗰日去親戚屋企，準備走嘅時候，佢突然撲埋嚟，從後咬咗我個屁股一下，嗰吓都好愕然，睇到個傷口係有啲皮外傷，之後我都冇去睇醫生，因為隻狗係有打到針，所以就冇擔心會有瘋狗症。（隻狗咁唔俾面，港組冠軍都咬！）哈哈，可能嗰日我戴住頂帽，加上又冇化妝樣衰，所以佢咬我。所以而家我係唔敢掂啲大狗，心存陰影。」
Carmaney透露半年前被狗咬傷存陰影。（梁碧玲攝）
另外，Yumi透露自己家中飼養7隻狗，照顧牠們相當費氣力：「其實點解我會養7隻狗咁多，原因係第一隻狗係屋企人送俾我嘅生日禮物嚟，跟住嬸嬸又再送多兩隻俾我，點知呢兩隻狗又生咗4隻，之後仲諗好晒邊啲狗BB送俾邊個。但到最後我同屋企人都好唔捨得，於是就將計畫取消，就冇再俾人。」
Yumi透露家中飼養7隻狗。（梁碧玲攝）
黃嘉雯和鍾柔美以評審身份現身柴灣出席無綫J2《超級毛特兒大賽》面試。（梁碧玲攝）