76歲狄龍與妻子陶敏明發生車禍 兒子譚俊彥親回應意外情況
撰文：鍾路淂
出版：更新：
76歲金馬影帝狄龍近年養尊處優，有讀者報料，指2月10日見到狄龍駕車時發生車禍，《01娛樂》致電其兒子譚俊彥，他表示：「兩老都無受傷唔使去醫院。」
譚俊彥的父親是藝人狄龍，母親亦是藝人陶敏明，他本人育有一仔一女（IG@tammerz）
2月10日早上有人目擊狄龍駕車載住太太陶敏明，在旺角亞皆老街梭椏道交界時，疑切線時與鄰線新巴793線相撞。身穿杏色背心深色冷衫的狄龍，與太太下車在路邊與警察交代情況，平治左邊倒後鏡及左邊車門輕微被括花，幸狄龍和陶敏明無恙。《01娛樂》致電其兒子譚俊彥，他代兩老報平安：「其實好小事，嗰條路係咁，爸爸話佢有打燈轉嘅，不過警察講都啱打咗燈人地未必會讓你，就有些少碰撞囉。」
平治左邊倒後鏡及左邊車門輕微被括花，幸狄龍和陶敏明無恙。（讀者提供）
問到會否抽時間去探望狄龍與陶敏明，譚俊彥指：「現場同我屋企好近，意外之後已經同佢地溝通過，兩老都無受傷唔使去醫院，媽媽仲識講笑應該無嚇督，最緊要都係無人受傷，其他嘢有揸車都知，照程序去處理就可以了，多謝大家關心。」
狄龍在場向警方提供資料。（讀者提供）
譚俊彥指狄龍與陶敏明不需要送院。〈微博：@譚俊彥）