肥媽68歲生日收史納沙狗BB　激動喊話：終於有人陪我瞓覺啦

肥媽今個月18日便踏入68歲，日前她與家人提前慶生，姪孫為肥媽唱生日歌時，手抱著狗BB並綁上禮物結送給肥媽做生日禮物。而一向有養狗的肥媽見到史納沙狗BB一刻即大叫：「嘩！好靚啊！你邊到攞㗎？」，更興奮一手抱起小狗話：「收過咁多份生日禮物，（呢個）最開心嘅生日禮物」，甚至激動喊話：「終於有人陪我瞓覺啦。」睇得出肥媽真係好喜歡狗仔。

自從肥媽老公Rick離世後，肥媽一直都有公開表達對佢嘅思念，而且其中一隻愛犬「旺財」亦在較早前離世，今次新添加的成員未知可否彌補肥媽心裏空缺。不過肥媽未有為小狗改名，望網民可以幫手改名，有網民就搞笑留言建議改做「5號」、「7號」，希望可以成為陸浩明「6號」嘅大哥或細佬。