新聞女王｜鄧智堅演大反派同佘詩曼有對手戲：過足戲癮
撰文：吳子生
出版：更新：
鄧智堅今日（3/3）現身尖沙咀出席《博愛歡樂傳萬家》記者會。鄧智堅透露即將為無綫新劇《新聞女王》開工：「噚日同李施嬅、佘詩曼及馬國明一齊讀劇本超開心，因為佢哋幾個我係冇合作過，而且佢哋嘅劇都係陪住我哋一齊成長，真係估唔到可以集合埋晒佢哋幾個，真係好意外。而今次嘅幕後導演都係《下流上車族》嘅導演嚟，變咗大家做嘢上嚟係有默契。」
鄧智堅演大反派同佘詩曼有對手戲。(梁碧玲攝)
對於今次在新劇中飾演大反派「多面人」公司高層，鄧智堅表示過足戲癮：「劇裏面，我同馬國明同佘詩曼會有好多對手戲，而我係一個好陰險狡猾嘅上司，變咗件事會好立體化，會係好似宮廷戲咁鬥智，變咗係好好玩。」
鄧智堅今日現身尖沙咀出席《博愛歡樂傳萬家》記者會。(梁碧玲攝)