飛黃騰達｜張達倫演基金經理 着過百萬西裝：幫我做咗十幾套
撰文：吳子生
出版：更新：
張達倫（Max）昨日（14/3）現身大埔出席MakerVille原創劇《飛黃騰達》拜神儀式。在劇中飾演基金經理的Max就表示：「我呢個角色係要載住副藍色隱形眼鏡做戲，因為導演想我呢個角色呈現出貴族嗰種身份，但長時戴住真係會好唔舒服，對眼會好攰同好乾，變咗好多時就要滴眼藥水去滋潤雙眼。而佢哋更落重本幫我做咗十幾套靚西裝，加埋過百萬，所以今次佢哋都幾大製作㗎。」
張達倫在新劇中飾演基金經理。（梁碧玲攝）
被問到現實中有否在投資上失利過？Max表示：「後生嘅時候不知交咗幾多學費，係股票度輸咗我人生嘅3分之2嘅身家，當時諗住自己後生有得搏，於是聽人講買啲毫子股，點知一入貨就睇住佢跌，睇到我一殼眼淚。自此之後，以後都唔敢再玩，你而家見我仲喺度做，就知我仲追緊嗰3分2，哈哈。」
張達倫今日出席劇集宣傳活動。（梁碧玲攝）