應屆「黑面港姐」許子萱是非纏身　無懼負評：我並冇太過在意

應屆港姐亞軍許子萱自參選以來是非纏身，曾被爆與參選佳麗張光怡當眾嗌大交，決賽大熱倒灶成為三料亞軍卻被指黑面，自當選之後一直「神隱」，沒有出席公開活動，形象負面，甚至傳出她將與TVB解約。

許子萱今晚（17/3）現身尖沙咀出席九龍樂善堂142周年慈善晚會。對於別人的負評，許子萱表示：「我係明白總有人喜歡自己，亦有人唔喜歡自己，所以我並冇太過在意。（是否收拾心情，重新開始演藝事業？）都唔算收拾心情，因為我隨時都準備。（有冇預期喺無綫玩幾耐？）呢個冇計劃，長期嚟講我只係想將呢件事做好，亦都希望成為一個優秀嘅演藝人。（同無綫合約到幾時？）好長呀！因為上次我啱啱返，參加公司活動，連中3個元，抽到3個獎，師姐開玩笑話我要簽30年。不過如果公司開口話簽我，我都肯嘅。」