陳曉華自爆小六曾被埋身傳教 自言年紀細唔識拒絕：傾咗兩次電話
撰文：吳子生
出版：更新：
方力申女友葉萱 （Maple） 以受害者身份挺身而出詳述被攝理教教主性侵的過程，在本港引起好大迴響，更有網民在社交平台爆料指曾被攝理教帶返油麻地教會試圖洗腦，亦有指攝理教已滲透本港大專院校，專揀單純女生埋手，事件引起廣泛關注。
陳曉華今日現身將軍澳電視城出席無綫節目《LAW霸女神》錄影。（陳順禎攝）
陳曉華（Hera）今日（18/3）現身將軍澳電視城出席無綫（TVB）節目《LAW霸女神》錄影，她在接受《香港01》訪問時透露：「其實喺我讀緊小學六年級嘅時候，有一日搭港鐵嘅時候，有個男仔走埋嚟向我傳教，當時年紀細，我唔識得拒絕就畀咗個電話佢，而佢就會打電話嚟關心我。而我又唔係好識點同佢傾偈，加上我對佢又好陌生，同埋我又唔需要人關心，變咗我同佢只係傾咗兩次電話就冇再理佢。」
陳曉華透露曾被人埋身傳教攞電話。（陳順禎攝）
對於有指攝理教已滲入本港，Hera表示：「我覺得大家可能要去教會，都係跟返啲相熟朋友去會好啲，咁大家都要小心啲，如果有質疑就唔好去。而我都明白年紀細係好容易受到影響，咁所以有呢啲性侵事件發生，我覺得最難受係嗰啲受害者，咁所以唔希望再有呢啲事發生。」
+4