陳自瑤為TVB與淘寶合作做帶貨主播 以10字回應與老公王浩信傳聞
撰文：許逸本
出版：更新：
陳自瑤（Yoyo）今天（29日）出席「TVB X 淘寶直播媒體見面會」活動，用一口流利的普通話在台上演講！由於陳敏之表現優秀，第一場直播便吸金2千多萬，Yoyo作為第二位上場，她自認好緊張，表示準備好直播時所需的能量補充品：「我驚我講嘢嗰陣時會口乾，都驚自己肚餓唔夠Energy，我已經叫我嘅團隊準備晒，一定要擺啲嘢飲嘢食，以防我口渴肚餓嘅時候可以補充能量。」Yoyo揚言見敏之獲得好成績，希望可超越對方創更高佳績：「咁我當然好希望啦，係呀，咁我都好希望為公司，或者同淘寶公司平台可以成績越嚟越好，所以我會盡力囉。」
YoYo今日以紅色緊身裙亮相記招，非常漂亮醒神！（梁碧玲攝）
不過見Yoyo為直播咁緊張，當問到老公王浩信有沒有給予鼓勵？她第一反應問：「邊個？」之後再重覆問題，Yoyo聽到即落閘：「今日我私人嘢唔回應啦！」她指今日主要想講返自己同公司的計劃。連同日前YoYo疑錯手讚好網民句「只想問，單身了」，令二人婚姻關係更撲朔迷離，對此，她亦不願作多回應：「係呀，今日都唔講啦，我哋唔好喧賓奪主。」
Yoyo當聽到老公王浩信即落閘。（梁碧玲攝）
+20