周奕瑋唔再做無綫親生仔　轉簽普通合約：我都會繼續努力工作

周奕瑋（Jarvis）於年初時在無綫台慶頒獎禮上「單拖」任司儀，全程表現亮眼，事後更有傳媒形容他為「鄭裕玲接班人」。其後Jarvis又在曾志偉率領下，與另一「日本通」陳嘉慧到日本工作。其實周奕瑋（Jarvis）早在2018年時，因主持《周遊東京》人氣急升，而獲轉正做TVB親生仔（經理人合約），其後工作機會亦接踵而來。

不過近月周奕瑋在無綫官網「經理人合約藝員」一項中消失不見，只在「男藝人」一頁出現，與無綫變回普通關係。周奕瑋接受《香港01》訪問時表示：「咁當然以官方公布嘅為準啦，其實一切同以往都無咩大分別，我都會繼續努力工作，都無咩特別回應喇，多謝關心。」不過問到收入會否受收影響、唔繼約親生仔原因時，周奕瑋就未有再回應。