「亞視一姐」阿儀戴「綠勞」 再拎16萬粉紅色Birkin：工作係多咗
撰文：林得懿
出版：更新：
阿儀呢身嘅「港姐」式配搭，至少20萬。(受訪者提供）
「亞視一姐」薛影儀（阿儀）手上驚現15萬勞力士令不少網民震驚，不過隨著更多拍攝花絮曝光，發現原來「一姐」手上除「綠水鬼」之外，仲有個約萬多嘅CHANEL手袋，一身嘅打扮貴氣十足；而另一張拍攝花絮圖，阿儀手上嘅係粉紅色Birkin，炒價16萬！
16萬Birkin拎喺阿儀手上毫無違和感。(受訪者提供）
莫非一姐真係入行兩年賺到笑？阿姐接受《香港01》訪問時，先係話：「咩錶？我唔清楚。（隻錶炒價15萬，係咪工作多咗買嚟獎勵自己？）哇！收入我唔清楚，工作係多咗。」其後再向經理人林寶玉查詢時，她表示所有名牌都係由阿儀嘅朋友借出，由於阿儀不用名牌，所以完全唔知其價值多少。估唔到阿儀朋友又幾富貴喎。
LV波鞋約一萬多元。(受訪者提供)
阿儀入行兩年，日前推出單曲《一加一等於阿儀》，手上嘅勞力士十分搶鏡。 （IG圖片）