劉丹、單立文、滕麗名，呂慧儀等一眾《愛．回家之開心速遞》演員今日（20/1）齊集將軍澳電視城宣傳「世界地球日」，「熊家」更即席DIY水樽儲水容器，實行為環保出一分力。

劉丹接受《香港01》訪問時再次呼籲大家要注重環保和珍惜地球：「有時睇紀錄片見到乾旱嘅地方、沙漠嘅地帶啲人嘅情況，將來我哋嘅子子孫孫會唔會遭受到呢啲情況呢？所以要注重環保，樹木、用水，排廢，各方面都要特別留意，希望盡自己一分力做到最好。」

「熊心如」蘇韻姿年初突然「離家」，一眾觀眾傷心之餘，亦渴望她能重返劇組。問到細妹的歸期，爸爸丹爺表示：「唔知佢幾時返嚟呢？我哋呢啲咁長壽嘅節目，好多人會來來去去，有時會調咗出去第二度，一定會有呢啲，其他詳細情況我哋就唔知，總之拍好而家嘅工作，其他細節要問監製先得。（暫時未有消息？）唔知，唔知。」至於點安慰觀眾？他笑言：「戲入面耐唔中有交代下，唔使掛住、唔使掛住。」