陳家樂連詩雅｜新婚全身金器逾50萬　鑽飾加埋近3百卡總值近千萬

陳家樂與連詩雅今日（24日）正式拉埋天窗，婚禮於尖沙咀五星酒店舉行。擔任婚後主持人嘅林盛斌(Bob）分享與一對新人的合照，並寫上「司儀呢啲粗重嘢，等我搞啦，希望你哋嘅屋企人開心同滿意啦。」

照片中，連詩雅身上嘅裙褂非常閃，而手上同頸上嘅龍鳳鈪以及金豬牌亦明顯份量十足，其中早在過大禮時，陳家樂曾表示自己因為係英皇珠寶婚嫁系列嘅代言人，所以公司給予優惠價，不過照估計，連詩雅身上嘅金器加埋逾50萬，而最巨形嘅一對龍鳳鈪，原來係由老闆楊受成所送贈。另外，公關亦透露連詩雅在大日子所佩戴的英皇珠寶高級珠寶系列共約三百卡，價值近千萬港元，十分誇張。