十大中文金曲｜泳兒願望成真　憑《葉落冰川》奪第一首金曲獎

港台舉辦的《廣播九十五周年 十大中文金曲》頒獎音樂會，今（6日）假紅館舉行。而先拔頭籌奪得十大優秀流行歌手的泳兒（Vincy ）願望成真，憑歌曲《葉落冰川》奪得第一首十大中文金曲獎，心情興奮的她除了表示感謝公司之外，還直言：「其實我知道有兩首歌入圍，但係我有私心如果真係有機會可以攞獎，我真係好想《葉落冰川》可以攞到。（願望成真喎）係，因為呢隻歌係我大碟裡面俾咗我個唔願滿結局，但係亦俾咗個好好嘅啟示我，點樣行落去。就係熱血的不怕凍，我會繼續帶住我嘅熱血行落去。」並揚言所有幫過她的人一定會記住。