C君親口承認已卸任J2創意總監一切職務：冇辦法兼顧到
撰文：吳子生
出版：更新：
C君（鄭詩君）今日（10/5）現身電視城出席無綫綜藝節目《咁你都唔識》錄影。對於被指已卸任J2創意總監一切職務，專心發展音樂事業，C君受訪時表示：「其實我係冇辦法兼顧到，因為我哋農夫喺疫情之前接咗啲騷債，而家要還，累積咗幾年嘅騷債變咗而家就要慢慢還，因為好多騷都簽咗合約，咁所以我係冇辦法兼顧得到。（會唔會返嚟？）總經理其實都答咗大家啦，都話等佢返嚟啦，咁真係多謝佢肯等。當然做幕後我係好鍾意做，尤其係可以參與關於音樂嘅幕後，呢個真係我最鍾意嘅鍾意。相信騷債就一定會還晒嘅，大家俾啲時間。」
C君親口承認已卸任J2創意總監一職。（葉志明攝）
C君今日出席無綫綜藝節目《咁你都唔識》錄影。（葉志明攝）