隱門｜吳岱融演「鷲哥2.0」更變態 漏口風爆有強姦、性虐待戲份
撰文：林迅景
出版：更新：
新劇《隱門》將於5月29日播出，這套劇除了是監製王心慰又一力作之外，陳展鵬、黃智雯、湯洛雯、吳岱融、劉佩玥、阮浩棕、盧宛茵等人組成的新班底也帶來了不少新鮮感，其中吳岱融飾演的大反派葉嘯天（喪天），可說是人如其名 - 喪盡天良！
隱門劇情劇透1-5集｜頭五集黃子恆就要死 離婚重病放火樣樣齊
吳岱融飾演大反派葉嘯天（喪天）。（《隱門》劇照）
吳岱融於上一套王心慰的劇集《巨輪II》憑高天鷲（鷲哥）一角而爆紅，他透露在《隱門》中的角色將會更加變態。他說：「高天鷲係一個有錢嘅奸人，所以做嘢係人哋幫佢做，但係今次角色係一個窮鬼，一個出咗監嘅賊，所以好多嘢都係自己做，所以就係兇狠，一唔妥就摑人。」強姦、性虐待？他回答：「就算有，TVB都唔會去到邊，但係都有嘅。」
63歲吳岱融仲係咁型。（林迅景 攝）
吳岱融做大反派。（林迅景 攝）
吳岱融憑《巨輪II》高天鷲（鷲哥）一角而爆紅，cap圖更變成網民愛用的萬能key。（截圖）
最變態是什麼？他坦言：「最變態係監製睇得起我！」他表示角色除了有變態戲、掌摑、性虐等戲份之外，還有十分多動作場面。他說：「我60幾歲人，佢不停叫我打，諗返其實當初接劇本我都有少少驚，真係有壓力。成功地過咗我係好開心。辛苦架，仲要吊懸崖。」他表示，還好劇組替他找了一個替身，令他太辛苦。他說：「打戲佢做，文戲我做。」