獨家｜Anson Lo無懼酷熱天氣警告　皮褲包到冚拍MV羊角髮型極吸晴

Anson Lo盧瀚霆拍新歌ＭＶ，《香港01》獨家直擊。雖然香港天文台在今日(2日)上午6時45分發出酷熱天氣警告，不過對於沒有夏天嘅MIRROR來說，再熱都一定要「包到冚」，Anson Lo盧瀚霆就完美示範MIRROR式季節穿搭。

預告將有新歌推出嘅Anson Lo，昨日完成電影《12怪盜》後，今午即為新歌進行MV拍攝。下午約1時左右 ，身穿黑色長袖上衣、黑色皮褲嘅AL現身港島區某公共屋邨，雖然氣溫高達3３度，但AL來說似乎已訓練有素，完全不受影響；而經理人花姐就以短Tee、薄身牛仔褲上陣，二人打扮成強烈對比，而Anson Lo亦在IＧ上載了一條滿身大汗的短片，並留言稱：ＭＶ未跳舞都濕晒！。