荷里活廣場兇案｜林作縮沙裕美被擺上枱　發火爆粗：以為我好恰？

鑽石山荷里活廣場發生斬人兇案，令全城震驚！林作昨日（2日）竟以一身疑犯的打扮出Post賣疑犯同款波鞋一對抽水，遭網民圍剿，甚至群起要去保監會投訴，未幾林作便刪了此Post。林作原本表示今日（3日）下午4點直播帶貨期間會親身回應，但想不到是率先擺女友裕美「上枱」！

裕美解釋林作因「淆底」而不敢現身，不過亦止不到網民的怒氣，遭網民瘋狂留言圍插！受牽連的裕美稱：「佢對我都冇同理心，更何況出面啲人？」飽受人身攻擊的她更爆粗回應：「唔好入嚟XX我，以為我好好恰？」

最後裕美拉了林作出鏡並聲稱要毆打他，林作稱：「你覺得呢個笑話唔好笑唔緊要，我冇咩補充。笑話同真正嗰件事係唔關事。（其實你係咪好驚？）唔係呀，係冇嘢補充呀，搞笑係用唔同嘅話題，絕對唔係寛怒緊呢件事，覺得呢件事冇問題。」至於道歉，林作稱：「我成世人都冇點道歉，要攻擊說攻擊我，唔好殃及無辜。」