陳慧琳爆「蝦餃仔」係周星馳迷 聞星爺招募演員：我仲踢到波咩
撰文：吳子生
出版：更新：
陳慧琳（Kelly)今日（26/6）現身尖沙咀出席《第7屆香港兒童國際電影節新聞發佈會》。講起電影，Kelly大爆兒子「蝦餃仔」劉昇是周星馳影迷，最愛看電影《少林足球》：「之前佢睇完呢套電影之後，突然身痕強迫佢爸爸同細老拍咗條短片，要佢哋打功夫，其實佢喺呢方面都有啲天份，如果佢將來對電影呢方面有興趣，我都支持佢做導演㗎。其實我都有諗過想搵佢幫我拍社交平台嘅短片，如果佢肯我就方便得多。（會唔會俾人工佢？）咁梗係唔會俾人工佢啦，要佢白做。哈哈！（星爺公招募電影《少林女足》演員，有冇興趣應徵？）我仲踢到波咩，唔係啩！我做啲退休教練得唔得呀？如果有呢啲角色我可以呀。」
陳慧琳今日出席《第7屆香港兒童國際電影節新聞發佈會》。（葉志明攝
陳慧琳大爆兒子「蝦餃仔」是星爺影迷。（葉志明攝）