林正峰昨晚（28/7）以「獎老」身份現身將軍澳電視城出席無綫綜藝節目《獎門人秋季敵感謝祭》錄影。林正峰受訪訪時表示：「其實當我收到通知叫我做『獎老』嘅時候我係嚇親，我仲以為係搵我上去做嘉賓客串玩吓，點知原來係要我做獎老，呢個係我兒時嘅夢想嚟，因為我細個嘅時候成日睇呢個節目，可以話係陪住我成長。（對住曾志偉會唔會好大壓力？）我驚自己會講錯嘢㗎，始終佢都係老細嚟嘛，不過志偉哥就叫我放膽去講，仲話愈放鬆就會愈好。事前我哋都做咗好多準備工夫，我哋會夾吓大家會點樣互窒對方。一陣上到場，我都怕接唔住，大家都知志偉哥轉數都好快。」