79歲馮素波慶生後失魂跌手袋急尋　半小時即搵返：香港好人非常多

近年活躍於社交網深受年輕觀眾歡迎的波姐馮素波，8月7日79歲生日，早獲好友輪住送蛋糕慶祝生日。未知是否玩得太盡興，一時失魂搭的士遺漏手袋，急急出POST搵袋。

波姐前晚獲好友們送麻雀主題生日蛋糕，上面有一副「十三么」靚牌，令波姐非常開心。未料到不出一日就出意外遺失手袋：「嫲嫲剛才在Taxi的士漏咗個手袋，內還有兒子母親節送我的粉紅色銀包。希望大家幫幫手🤝」網民一呼百應，不出半小時就已經有好消息，的士司機主動聯絡並交回手袋，港人守望相助令波姐相當感動：「手袋搵翻啦😊多謝大家幫手，一樣都冇少。從報失到搵翻只係兩個鐘。失而復得。多謝這位司機大哥，多謝拾金不昧的乘客，多謝的士報失中心，多謝各位幫手的IG、FB朋友，感恩咁多熱心人士🥰香港好人非常多👍🏻」