中年好聲音2｜孫美賢入圍呻哥哥孫耀威冇畀意見：只叫我享受比賽
撰文：吳子生
出版：更新：
無綫大型歌唱真人騷《中年好聲音2》今日（12/8）於將軍澳電視城舉行記者會，並安排晉級的108位參賽者會見傳媒。其中有份入圍的孫耀威細妹孫美賢（Miranda ），在接受《香港01》訪問時表示：「其實上次海選之後，都諗住入唔到圍，點知喺兩個星期前突然收到通知話我入到圍，話今日會有個記者會，嗰一刻真係好意外同埋係好開心。於是我就即刻安排手頭上嘅工作，因為瑞士嗰邊已經開校，咁所以要諗定小朋友返學接送嘅安排。」
無綫大型歌唱真人騷《中年好聲音2》今日（12/8）在將軍澳電視城舉行記者會。（梁碧玲攝）
Miranda透露會逗留兩星期後，再飛返瑞士處理業務。（梁碧玲攝）
被問到哥哥孫耀威有否給意見時，Miranda笑言：「佢冇畀錦囊我呀，只係叫我好好咁享受呢個比賽。（今次會留幾耐？）我會留兩個星期左右，然之後我會飛返去瑞士再處理啲事務後，又會再返番嚟香港。比賽期間我就會租住酒店先，而媽咪佢知我要比賽，佢話會煲湯畀我飲，希望我可以保持最佳嘅狀態比賽。」
孫美賢入圍呻哥哥孫耀威冇畀意見。（梁碧玲攝）