無綫《香港小姐競選2023》玩AI玩上癮，全集都以AI主題貫穿，想不到除了史上首位AI港姐司儀、歷屆得獎佳麗生成AI港姐、AI睇DNA報告、AI生成對答問題等等，其中一個環節安排眾佳麗與年老了的自己對話，畫面就十分可笑，網民亦指無綫玩AI玩到走火入魔。

港姐第二部分，用AI生成港姐年老後的模樣，以「未來人」方式跟佳麗對答，展開「跨世代對話」，並寄語她們，這些AI老港姐由配音員配音，跟2023年的自己說自己將來成了藥劑師、大學教授、富婆等等，可惜網民覺得畫面很膠，且有種靈異感。

網民問：「我想睇女，點解會有阿婆？」、「呢Part真係好X」、「邊個咁onX諗呢Part？」、「班歷屆港姐喺度恥笑」、「最新嘅科技都可以用到咁大陣老人除」、「呢Part究竟發生咩事？」有些佳麗本來被指有「譚仔口音」，惟年老後卻忽然講純正廣東話，好有違和感。