譚嘉儀壞iPhone上網搵網民求救　用雪藏腸仔降溫勁創新

譚嘉儀（Kayee）昨日（12日）因壞手機而上網向網民求救，由於電話持續發熱，她嘗試用雪藏腸仔降溫引來熱議。網民都笑言她的做法夠新意，拯救完手機後更可以煎腸仔慶祝。

譚嘉儀昨日在網上求救，表示正在使用的iPhone 13突然死機：「點算好！電話壞咗，開鎖之後郁都郁唔到，所有嘢好似漫遊一樣，想剷嘢又剷唔到， 所有Apps都開唔到，閂機都閂唔到，跟住部電話又好熱，拎咗包雪藏腸仔降溫，可以點做.......」雖然看出Kayee相當無助，但見到她用腸仔降溫， 網民都不禁笑言她綜藝感100分。網民留言「包腸係無辜㗎」、「第一步，先食咗包腸仔先，第二步，買過一部電話」，亦指Kayee手機機背已跌碎，建議她直接換一部新電話。

不過都有網友最後成功替譚嘉儀解決問題，留言指示她「先按音量+ 一下，音量- 一下，再長按開關，直到白蘋果出現」Kayee也立即回覆對方「OMG 多謝你救咗我」。其後她再發文表示手機已回復正常，多謝各位留言教路，最後更不忘搞笑：「聽你地（哋）話，煎左（咗）包腸仔慶祝下。」