鄧兆尊爆當年華姐出埠佳麗輪流敲酒店房門 葉璇都係其中一人！
撰文：鍾路淂
出版：更新：
鄧兆尊入行多年相識滿天下，近年受訪不時爆出秘聞，繼日前爆TVB高層疑有變動後，他作客YouTube節目時再憶述24年前，擔任選美比賽嘉賓，身在內地竟有多位佳麗輪流去他酒店房間敲門，當中更包括冠軍葉璇！
近日鄧兆尊作客「田豪祖3寶」直播。（影片截圖）
近日鄧兆尊作客「田豪祖3寶」直播，提起1999年國際華裔小姐跟大隊到內地拍外景時，晚上酒店房門竟不停被佳麗敲響：「夜晚好多未得獎港姐佳麗就入我房傾偈，（嘩，你夠膽畀佢入？唔怕搞新聞咩？）我當時係好蠢呀，諗住女仔唔會咁離譜，點知逐個入嚟，大約十個度啦，（入嚟做咩？）有啲嘢大會監察住唔畀佢哋做，就靜雞雞走過嚟做，每人一兩分鐘咁，你哋自己諗下啦！」原來所指的是食煙。
鄧兆尊提起1999年國際華裔小姐跟大隊到內地拍外景幕後秘辛。（影片截圖）
1999年國際華裔小姐由葉璇奪冠。（影片截圖）
鄧兆尊指1999年國際華裔小姐逾十位佳麗敲房門，當中包括葉璇。（影片截圖）
翻查記錄，99年華姐到桂林拍外景，當年冠軍是大熱門葉璇，兆尊指一樣有敲房門：：「每隔幾分鐘就敲門，乜我真係好食啲咩？葉璇係唯一一個唔係嚟食煙，而係問問題，佢問我覺得呢屆佢有冇機會，我話呢一屆一定係你，因為內心澎湃，而且思想比其他成熟好多。」
葉璇在1999年代表紐約參選國際中華小姐，奪得冠軍及「最具古典美態獎」
葉璇「1999年國際華裔小姐」。當選後由邵逸夫親點與無綫電視簽約成為藝員，2010年成香港電影金像獎最佳女配角。現主攻中國內地娛樂事業。（截圖）