羅啟豪今日（20/10）現身旺角出席電影善慈場。提及身為《中年好聲音2》評審之一的伍仲衡，日前在《CASH金帆音樂獎》記者會中，宣讀各大獎項的提名名單時，多次口誤讀錯名字，令大批網民感到不滿，羅啟豪在接受《香港01》訪問時表示：「我都有留意嗰單新聞，我都覺得好搞笑，同埋佢哋國語普通話都講得好搞笑，不過咁，我就覺得佢咁樣讀錯先至有氣氛。（伍仲衡經常批評參賽者唱歌發錯音咬字唔正確，會否受到今次事件影響地位？）咁廣東話嚟講，佢係有資格挑剔嘅。（如評審讀錯你名會否介意唔開心？）都唔會嘅，因為而家喺網上面都有好多我嘅粉絲打錯我個名，咁所以我都冇乜所謂，又唔會話唔開心。」