前無綫花旦半年揈走26磅　美國開騷以鏤空歌衫震撼網民

陳松伶自婚後一直陪老公張鐸長駐內地搵食，近年又積極經營社交平台，不時拍片分享生活與網民互動。早前她到美國開騷，其中一套歌衫嘅設計引起不少網民嘅討論，由網上嘅照片所見，長裙上半截以鏤空設計，雖能盡顯陳松伶嘅豐滿上圍，但胸前嘅兩塊大珠片就被網民笑指係發熱貼甚至係似做心電圖檢查 ，留言如「人好看，衣服一言難盡」、「年紀大盡量少露肉」獲不少讚好。

陳松伶年初曾被指肥到走樣，之後她嚴格控制飲食，最終4個月內甩走10Kg（約22磅），網民當時紛紛留言大讚「女神又回來了。陳松伶今次美國登台之所以揀鏤空設計長裙，未知是否想讓大家知道，其巔峰狀態依在。