御用惡人鄭家生重返無綫 新劇繼續做黑社會:我都想有突破呀

撰文:
最後更新日期:

已去世的曾守明出事的時候,鄭家生就在他旁邊。(網上圖片)

講起TVB御用惡人,你不得不提鄭家生這個鐵漢,佢做過無數嘅典型惡漢,無論係黑社會、街邊賣豬肉、貨車司機、古代武師,甚至係警察佢都會係惡形惡相。幾年前他毅然離開效力了二十年的TVB,轉投新開的香港電視,咁點解當時佢會離開呢?在接受《香港01》訪問時,他表示原來當年他覺得TVB拍劇好唔認真,可能係因為無競爭對手,呢個情況直到港視開台先有所改善,他說:「我地作為演員緊係想套劇好喇,但如果喺公司立場我就唔知佢地點諗喇,作為演員我地都無話叫公司點做喇,公司有公司自己嘅諗法。」

做惡人佢都做得好入型入格架。(網上圖片)

除咗惡人,罪犯佢都成日做。(網上圖片)

眾所周知,港視自從拿不到電視牌照之後就無以為繼,鄭家生完約之後便接受藝人部邀請重返TVB簽部頭合約。多年來被認定為惡形惡相的彪形大漢,甚至做埋御用惡人,其實會不會想向其他類型的角色發展呢?他說:「我都想有突破呀,但都要有監製肯俾我突破先得架,你知我們演員,有什麼角色都照做的,不理他好人還是惡人都要做㗎,哈哈。」即使重返TVB後第一部劇《棟仁的時光》,他都表示自己角色是一個黑社會,原來又是做惡人,看來真的搣不掉這陣惡人味。不要以為他離開了TVB幾年便沒有劇上,除了在港視之外,其實去年備受好評的《城寨英雄》都有佢份,但那時他明明是港視的員工,為什麼會這樣呢?原來是《城寨英雄》擔當武術指導的郭追叫他回來幫手,因為TVB找不到人演該角色,看得出TVB其實在人才方面都是緊絀的。

除了《城寨英雄》,近期熱話的《蘭花刼》原來也有鄭家生的影子,他是飾演馬蹄露的老公,不過他就不太記得自己有拍過此劇他:「《蘭花刼》我都有份?我真係完全一啲印象都無。成十年前嘅嘢邊度記得呀?當年我地喺TVB拍咁多套劇,一日都開一兩部,唔記得架喇。」今次回歸娘家,雖然當年在港視只是底薪已經有三萬多,而且未計出騷錢,即使現在回巢比起當年離開TVB時增加了,但比起港視還有一定的差距。不過學他的說話,演員最緊要係想拍好戲姐,只要有好劇本好製作,今次回巢便算是成功了。

除了拍劇之外,佢都會上去大陸出吓騷搵真銀。(網上圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。