TVB台慶｜福祿壽望合體香港開騷等入紙 王祖藍扮林作獲讚6字回應
撰文：張祖銘
出版：更新：
王祖藍、李思捷及阮兆祥今日（15日）以組合「福祿壽」合體現身將軍澳電視城為《萬千星輝賀台慶》「中年福祿壽」項目排練。福祿壽在接受訪問時表示：「跳舞好難，你哋知唔知我幾多歲，我啲骨都碎，10幾分鐘都頂得順嘅。」他們續指跳舞部份應留給薛家燕（家燕姐）。
王祖藍、李思捷及阮兆祥今日（15日）以組合「福祿壽」合體為台慶節目綵排。（陳順禎攝）
提到福祿壽會在台慶合體演出，王祖藍說：「有一日撞到總經理（曾志偉）佢問點解唔見你哋幾個，我哋就即刻返嚟！」至於是否為新節目《福祿壽訓練學院》播出作熱身，他們說：「希望透過呢個節目再次燃點出扮嘢嘅興趣，召集全球鍾意模仿嘅人。」
王祖藍表示在台慶合體演出機緣是曾志偉提出。（陳順禎攝）
被問到在新節目中扮林作，獲得對方大讚，王祖藍表示：「多謝多謝多謝！」講到會否計劃在香港舉行「福祿壽」演唱會，他們異口同聲表示：「香港我哋做咗個節目先，可能個節目有更多嘅人才，令到我哋嘅演唱會更豐富。」李思捷則回應：「等我哋入定紙先！」
李思捷望福祿壽可以在香港合體開騷。（陳順禎攝）