視后李佳芯（Ali）是TVB人氣花旦，又靚又有演技。惟近年常指被雪藏，雖然Ali澄清是因身體問題想減產，近來也專心在主持界發展，但仍頻傳她尚未解凍，台慶前夕更傳出連出席機會都沒有。不過之後Ali終亮相台慶，雖然大合照企最側面，仲側過未攞過視后的高海寧，但出現已力證地位仍在。

內地方面，Ali如去年一樣，受到「埋堆堆微博視訊號」特別「照顧」，影到大頭時被打厚格遮樣，TVB官方微博照片均不見Ali蹤影，原來事隔已久Ali尚未解禁，引起網民熱議。然而近日有內地網民上載一段娛樂新聞台台慶當晚直播片段，為Ali挽回民心。

片中Ali正走到台上影大合照，笑容滿臉的她見到直播鏡頭即親切地揮手打招呼，此時舞台地下佈滿碎紙，Ali望一望地下細心提醒攝影師：「小心跣呀！」最後不忘向對方甜笑告別，安靜低調地行去側邊影大合照。

Ali貼心舉動獲多位網民大讚人美心善，仲有人表示「咁睇，佢應該好快可以有機會拍劇啦！」、「感覺有人針對佢」又有多位網民心痛Ali企到最側，「堂堂視后企最邊，好可惜」。