張敬軒遇交通意外車頭損毀　上載片段：整返要8-10個禮拜

近日落力為叱咤樂壇「我最喜愛的男歌手」拉票的張敬軒，一改昔日隨緣姿態，為粉絲所感動積極拉票，除推出「政綱」更親身到旺角派傳單。未料到原來早前他遇上交通意外，上載車身受損片段令粉絲膽戰心驚。

軒仔上載短片透露：「兩個禮拜前畀人哋撞埋嚟, 感恩Derek同我都冇事。尋日車廠通知部車整返要8-10個禮拜🥺 第一下係有啲灰嘅,不過諗落人生就係咁㗎啦, 有啲嘢日日dut喺你面前, 隨時喺度, 你又覺得好似老馮咁。到到佢唔再應份咁樣存在嘅時候, 你先至知道佢對於你嚟講嘅意義同影響。」見到車頭損毀燈玻璃破裂，泵把鬆脫，幸好未有人受傷算不幸中之大幸。