混血港姐冠軍離開《愛．回家》劇組　新發展做司儀其實好搵過拍劇

無綫處境劇《愛．回家之開心速遞》，不時都會見到港姐的影蹤，一來可以給她們增加人氣，又可以磨練演技，而且《愛．回家》亦仿如一個演藝木人巷，不是人人可以留低，而先後被叮走的有人事部的Mocha梁允瑜，熊家三妹蘇韻姿，最讓人意想不到是形象討好又靚女的謝嘉怡，離開劇組後竟被投閒置散，近日她分享了近況，原來已經有新出路。

28歲的港姐冠軍謝嘉怡，擁有亞歐血統的混血兒外貌，在《愛．回家》中演出富家千金，仲要係人美心善，深受觀眾歡迎，俘虜不少劇迷。可惜她離開劇組後，愈來愈少見到她的影蹤，早前更返回蘇格蘭家鄉，閒時打泰拳做運動。近日她再分享近況，原來是初次嘗試做司儀，是一間公司的周年晚宴，她更做足功課，猛背晚宴流程，謝嘉怡形象健康，大方得體，又懂多國語言，在司儀界肯定可以成為寵兒，大有錢途。