大佬B餐廳執笠長腿新歡火速消失　老妻不離棄拍片放閃證情比金堅

69歲大佬B（吳志雄）近年移居內地，經營私房菜及火鍋店，有傳身家過億。可惜去年發生斬人事件後，大佬B生意變差5間餐廳全部執笠。有指他近日他帶領7位80後投資者再於深圳大展拳腳開設私房菜會所，總投資額超過三千萬。

雖然事業陷入低潮，幸得愛妻陪伴在旁做賢內助打理家庭。近日老婆生日，大佬B於抖音曬出片段慶祝，片中大佬B與太太挽手恩愛行街，兩人打扮樸素，卻難掩老夫老妻的甜蜜。大佬B發文冧爆老婆：「老婆生日快樂身，祝你年年28歲青春常豬（駐） 最重要都係身體健康！想乜有乜，食得痾得瞓得！」

大佬B今年年頭與2米高內地模特傳出戀情，仲被爆出拖手照，今遇上低潮，緋聞女友已不見影，只有老妻不離不棄相伴在旁，力證兩人情比金堅，擊破婚變傳聞。