鍾柔美否認赴外國升學 放下歌唱事業：自己比較鍾意香港呢個地方
撰文：吳子生
出版：更新：
鍾柔美（Yumi)今晚（7/12）現身尖沙咀出席周年慈善晚宴。對於近日有消息指她，有意放下歌唱事業，打算前往外國升學。Yumi接受《香港01》訪問時表示：「其實我都有聽過呢啲消息，而我係完全冇計劃去外國讀書，而我最原本計劃都係留喺香港呢度讀書，想一路Keep住讀書同做嘢，同埋想係呢一行度發展，咁所以我係冇呢個諗法。（你怕去外國升學之後，冇人再記得你？）咁又唔係喎，我覺得自己比較鍾意香港呢個地方，同埋我係好黐屋企人，加上我屋企有7隻狗仔，變咗我係好唔捨得離開佢哋，想一家人開開心心咁過。」
鍾柔美表示同Gigi各有各忙，認大家少了聯絡。（梁碧玲攝）
提到近日Gigi社交帳號被發現更改了工作聯繫方式，只剩下個人電郵地址，並沒有TVB或唱片公司等字眼，惹來離巢疑雲。Yumi表示：「咩叫做離巢？（離職唔做無綫！）哦，我冇聽過。因為我最近要搵書，準備考DSE，同埋好多測驗，變咗我冇時間睇手機，亦都知佢忙緊，而我又忙，大家都有工作再身，咁所以都唔想阻住大家，變咗就少咗聯絡。」
鍾柔美今晚出席周年慈善晚宴。（梁碧玲攝）