七師傅指朱智賢桃花太多 建議改名兼盡快結婚：把握愛情尾巴

朱智賢今日錄影《開運秘笈》，首次與七仙羽（七師傅）見面，即獲對方贈兩句，七師傅表示朱智賢欠金，故建議她改名「金正恩」，並解釋：「佢個名太強，但佢內裡全部都無蒼桑，改完名佢就可以優哉游哉咁賺錢。」

除改名外，七師傅又建議朱智賢要唱歌同結婚而加強運勢，而婚要越快結越好。「再拖就無，你快啲搵謝生去結（謝東閔），我睇過你命格，桃花運太多，每個人命格都整定你有幾多嘢，如果你太早拍拖、太多狂蜂浪碟，到晚年會孤獨終老，因為會用盡，所以要把握愛情嘅尾巴。你唔使驚，你又唔係未搵到，你嘅春喺度嘛，只不過睇下你入唔入到紅棉道。男方事業運好強，佢哋兩個一齊做珠寶生意，金上加金，如果把握得好就賺大錢。」七師傅又指朱智賢行運到46歲，所以最好結婚生仔都要快。

聖誕將至，七師傅表示日日要開工，男朋友會陪伴在則，而朱智賢則準備網上平台嘅事宜，加上想搞小生意，所以近日忙於開會，七師傅聞言後，表示朱智賢適合娛樂生意，如直播唱歌，因為不用投資太多但回報一定有。