新聞女王｜前主播因被指撞樣「張家妍」轉髮型 網民卻話似吳幸美
撰文：金秀玲
出版：更新：
TVB台慶劇《新聞女王》引起多位現職及前主播討論和關注，當中有位曾效力無綫和有線的主播，更被認錯是劇中由李施嬅扮演的張家妍，她便是早前新婚的陳洛鈞（Chrissy）。Chrissy在IG透露，自己被很久不見的工人姐姐認錯是張家妍，她因而決定換髮型，又叫網民投票，問她們到底自己似唔似，結果近一半人都投票指「孖生咁樣」、38%則覺得「某啲角度似」，然而她似乎對結果感到無奈，配上「😑」emoji。不過，李施嬅話晒都係《2003年度香港小姐競選》「最上鏡小姐」及「才藝小姐」，樣貌似佢其實都唔差呀！
陳洛鈞被工人姐姐指跟《新聞女王》的張家妍似樣。（IG@chrissyclk）
李施嬅飾演的張家妍，是劇中其中一個人氣角色，本來堅持不埋堆、做好新聞，到後段卻黑化。
李施嬅主播Look。
陳洛鈞主播Look，髮型的確好似。
李施嬅日前出席《新聞女王》宣傳活動，都係呢個髮型。（資料圖片/張祖銘攝）
但Chrissy為了避免撞樣，選擇改變髮型，由分界變成瀏海，自拍一張再問大家：「而家唔似啦kwa？」有專頁轉載了她跟李施嬅撞樣的IG Story，不過竟有不少網民覺得她比較似《東張西望》主持吳幸美，大家又點睇？
唔通真係關髮型事？網民話陳洛鈞似吳幸美多過李施嬅。（IG@ng_hang_mei）
陳洛鈞已趁聖誕前夕，換了一個有瀏海的新髮型。（IG@chrissyclk）