梁諾妍再度佗B認脾氣大 老公洪永城硬食：而家佢係女王嚟
撰文：吳子生
出版：更新：
洪永城（Tony)和愛妻梁諾妍(Inez）今晚（14/12）現身銅鑼灣出席聖誕宣傳活動。對於就快再做人爸，Tony受訪開心表示：「其實而家佢係女王嚟，佢叫我做乜我都會做，就算叫我去元朗買糖水畀佢食我都願。因為我知道佗B真係好辛苦，有時都知佢心情唔好，容易會發脾氣，但我都會無所謂，我甘願受晒，因為知佢為我付出咗好多，所以呢段時間，佢話乜就乜。」
洪永城和愛妻梁諾妍出席聖誕活動。（梁碧玲攝）
懷孕6個月的Inez接著說：「其實佗住今胎情緒波動都大，雖然我過咗想嘔嗰個生理周期，但唔知點解每次食少少嘢嘅時候，個胃成日好似有嘢頂住頂住咁，好似永遠落唔到格咁。對上一胎係到最後兩個月先會頂，但而家只係6個月，就有頂嘅感覺，變咗有時都覺得好辛苦，係需要扣喉解決，暫時都係呢方面嘅問題多。」
洪永城表示想生女兒。（梁碧玲攝）