富貴男星讚新朋友勁Nice似識咗幾十年 被寸太天真：知你幾億身家
撰文：張寧兒
出版：更新：
現年56歲的鄧兆尊，眾所皆知是粵劇大師新馬師曾（鄧永祥）的長子，家底豐厚生活無憂，多年來被指與家人共有15億身家，並傳有4億資產；另一為人津津樂道的，是鄧兆尊長期擁有三位紅顏知己，享盡齊人之福。
鄧兆尊曾帶3位女友出席聚會，包括Carmen（下排右三）、Cherry（上排左四）、Claire（上排左三）相處融洽，不過Claire位置已被陳小姐頂上。（微博圖片）
鄧兆尊近日更新抖音，拍片自爆到內地清遠，仲結識了兩位新朋友。鄧兆尊與網民介紹新朋友，大讚清遠人好Nice，他說：「清遠冇咩好呀，民風好呀，你睇吓我啲新朋友，識咗一日兩日，嘩好似識咗幾十年咁樣樣，去邊度搵呀真係！清遠真係人才，真係冇得講。」
鄧兆尊。（影片截圖）
惟網民並不受落，狂寸鄧兆尊太天真，「你有錢啊…X頭…你睇下你無錢…識咗幾十年個點…好似唔識咁…」、「因為佢地知你有幾億身家，你試吓叫阿張致恒去，變臉仲快過鹿鼎記中阿海大富」、「你沒錢，看他會唔會笑到四萬咁」；更有人即場認投想鄧兆尊做第四位女友，「我都想認識你咖，仲要唔要四姨太啊」。
鄧兆尊大讚清遠新朋友好Nice。（抖音）
仲話：「似識咗幾十年咁」。（抖音）
好開心咁。（抖音）
網民寸新朋友睇中鄧兆尊啲錢，「因為佢哋知你有幾億身家」。（抖音）