袁文傑Po相慶祝結婚3周年　極度詭異嚇親網民：大吉利是咩

袁文傑與張潔蓮（Jackeline）拍拖9年，終於2020年拉埋天窗，兩人向來作風低調，但恩愛非常。日前適逢結婚3周年紀念日，他們細心打扮一番，到餐廳吃飯撐台腳慶祝。事後袁文傑將甜蜜分享到社交平台，並寫上：「今天是Jackeline和我的結婚3週年紀念。」豈料卻被照片的色調搶晒Fo。

袁文傑事後回覆傳媒是一時錯手所致，因他弄了幾個版本，Po相時粗心大意Po錯。他最初上載的合照認真嚇人，上面加了一層「地府綠」，兩位主角面色仲要勁青，整張相顯得相當詭異，網民看到都哭笑不得，除了留言恭喜他們外，還笑說：「周年快樂，但是這個色調有點詭異」、「好難理解呢個色系，只可以話係特別」，甚至有人。不禁一句：「大吉利是咩」。不過袁文傑知道擺了烏龍後，已把該張青到得人驚的照片下架，換回正常版本。網民紛紛留言說：「呢個原色開心啲」、「依張靚好多好多」、「綠色個張like唔落」、「呢張好好多，見到綠色嗰張唔夠膽like」，但也有網民笑言覺得青色那張相吸引一點。