柳俊江去世 ｜鄭萃雯難以接受摯友離世：點解咁好嘅人要走
撰文：洪曉璇
出版：更新：
1月5日下午突然傳來TVB前新聞主播柳俊江離世，被發現在大埔村屋內燒炭亡，終年42歲，消息震驚各界。曾與柳俊江共事的鄭萃雯發文悼念。
前無綫新聞主播柳俊江1月5日被發現在住所燒炭自殺身亡。
鄭萃雯先發黑底白字限時動態：「難以相信，難以接受。」及後再上載與柳俊江昔日合照，回憶當年實習時跟他工作逸事：「2006年暑假做實習記者，第一單assignment就係跟你，係做海關走私行動記者會。你示範一次點做扒，然後到我，我做咗18 take，叫我慢慢嚟唔好心急。做好咗，你畀你寫起嗰條稿我，叫我照讀照錄，我嘅第一隻電視新聞報道，係你無私分享而來。」至柳俊江在TVB工作的最後一天：「我喺公司喊到豬頭咁，唔捨得你呀，點解咁好嘅人要走。係囉，點解咁好嘅人要走，唔捨得你。」
鄭萃雯對柳俊江離世感到難以置信。（IG：@karen_n_twins）
鄭萃雯憶與柳俊江相處點滴。（IG：@karen_n_twins）