無綫電視年度壓軸盛事《萬千星輝頒獎典禮2023》今日（14日）於澳門上葡京綜合度假村隆重舉行，紅地氈儀式則是下午5時半開始舉行。佘詩曼作為大軸出場嘉賓勁閃耀，瞬間已經勁吸睛。

佘詩曼在紅地氈接受傳媒訪問，被問到今日的戰衣是否選了很久，她表示已經選了一段時間：「都揀咗一段時間，都咁耐冇參加頒獎禮，咁都希望靚靚出席啦。」
佘詩曼被問到對於今晚奪獎會否緊張時，她則表示：「頭先我好緊張，因為差啲遲到，我啱啱落機，驚miss咗，所以緊張完啦。」
至於有沒有信心奪視后，她就認為：「信心就一定要有嘅，但攞唔攞到就係其次。因為最開心嘅moment已經過咗，就係拍攝個過程，所以都已經好開心。」

佘詩曼希望《新聞女王》能奪得獎項，因為大家拍攝時都很辛苦，而且過程是十分開心。而佘詩曼被問到朋友及家人有否支持她為她打氣，她就說：「我媽咪去咗打麻雀。」沒有來支持她。