《飯戲攻心2》今晚舉行群星首映場，除鄧麗欣、張繼聰、王菀之、林明禎、陳湛文、Jeffrey之外，張家輝亦有到場，他接受訪問時表示除了是受張繼聰邀請外，亦覺得要支持香港電影。「我少睇首映，有時連自己啲戲都唔想去，不過有時出現下又好似都有啲責任咁。」問到會否想拍賀歲片，張家輝表示：「應該要嘅，出年啦。」

提到「餅印兄弟」美斯訪港，張家輝反問大家：「我見到碧咸喎，點解嘅？（佢係班主）哦，佢話老闆嚟，咁朗拿度有無嚟？哈哈！又係我。其實我唔係球迷，有大賽、世界盃先會睇，本身唔係好迷。」