52歲張智霖白鬚Look被誤認盧海鵬　同袁詠儀賀結婚周年染黑髮回春

現年52歲的張智霖（Chilam）去年為了新戲角色，將頭髮染成了灰髮，還留埋白鬚，更顯成熟充滿滄桑味，早前張智霖同老婆袁詠儀（靚靚）在餐廳撐枱腳時被網民捕獲，當中張智霖的白髮白鬚造型就引起網民關注，甚至被誤認是盧海鵬。昨日（8日）適逢張智霖與靚靚結婚23周年的大日子，兩人獲張國榮（哥哥）前經理人陳淑芬安排飯局慶祝，完成新戲拍攝的張智霖即染回黑髮，即時回春！

靚靚在微博曬出合照，並寫道：「愉快的晚上，謝謝陳太周年紀念安排的晚餐。」相中所見，張智霖已將白髮染黑，並剃晒鬚，即時回復昔日靚仔樣！張智霖搭住靚靚膊頭，兩公婆甜蜜合照，幸福滿瀉。而哥哥摯愛唐鶴德（唐唐）、蔡一智夫婦都有出席聚會，網民紛紛留言送上祝福，亦有人指靚靚一邊攬住老公，一邊攬住唐唐，令人羡慕！