92歲胡楓突爆想拍動作片 公開搵前TVB視帝𢯎撈：你同上面講啦
撰文：董欣琪
出版：更新：
現年92歲的胡楓（修哥）在圈中人緣甚廣，地位崇高，近日緊貼潮流進駐「小紅書」的修哥，不時同好友合體拍片，日前他就上載了一段與歐陽震華（Bobby）合體拍攝的影片，並寫道：「收視保證TVB視帝歐陽震華要拍動作片？」修哥更大讚對方：「乜嘢叫收視保證呢？就係呢位仁兄喇，呢位仁兄叻到我又羡慕又有啲妒忌。有佢嘅劇集，收視一定高㗎，所以TVB真係好唔捨得佢㗎！」
歐陽震華早前出席袁偉豪和張寶兒為兒子袁晞祐「袁咕碌」舉行的百日宴。（微博@歐陽震華）
同場仲有胡楓（修哥）及羅家英。（微博@歐陽震華）
修哥大讚歐陽震華是收視保證。（影片截圖）
讚不絕口！（影片截圖）
近年歐陽震華大幅減產，甚少亮相幕前，修哥都非常關心他的近況，而歐陽震華就直言因疫情關係，很多事仍需要逐步進行：「我要沉澱下，希望再出返嚟唔係做以前嗰個歐陽震華，可以做啲動作片呀，一定要有你，你做我師父。」他更笑言：「我跟住有冇工開，都係靠你㗎喇。」不過修哥反而答道：「我有冇工開，我靠你呀。你同上面講搵修哥做啦，我都唔知幾開心呀！」兩人互笠高帽，場面搞笑，網民紛紛留言表示非常期待他們合作！
歐陽震華表示需要沉澱一下。（影片截圖）
希望拍動作片。（影片截圖）
修哥笑言要靠歐陽震華。（影片截圖）
公開𢯎撈。（影片截圖）
場面搞笑。（影片截圖）
+3