莊子璇代表香港選《國際中華小姐》 肥咗有壓力：好怕其他人目光
撰文：吳子生
出版：更新：
莊子璇（Hilary）今晚（2/3）出席《博愛歡樂傳萬家》籌款節目。提到《國際中華小姐》復辦，莊子璇亦將會代表香港競選。
莊子璇今晚出席《博愛歡樂傳萬家》籌款節目。（葉志明攝）
莊子璇稱再次選美會感壓力。（葉志明攝）
莊子璇接受《香港01》訪問時表示：「其實我冇諗過佢會復辦，變咗而家我又要再次努力Keep Fit，因為我嘅身形已經肥咗好多。（再次選美會唔會有壓力？）其實都會有壓力㗎，同埋都唔係好慣，因為我覺得自己未夠準備好，始終係有啲驚。（驚唔驚到時又被人批評？）其實都驚，因為我變得內向咗，我以前係好外向，但唔知點解而家會咁，好怕其他人嘅目光。唔知係咪自己諗多咗，成日覺得被人監察住自己嘅一言一行。（有冇同媽咪傾訴？）媽咪叫我唔好理，講真又點樣可以唔理呀。」
莊子璇今晚出席《博愛歡樂傳萬家》籌款節目。（葉志明攝）